Tæknifræðisetur Háskóla Íslands býður upp á tvennskonar nám.
Annarsvegar 210 ECTS eininga nám sem veitir rétt til að sækja um lögverndað starfsheiti Tæknifræðingur. Hins vegar 90 ECTS eininga diplómanám á grunnháskólastigi sem getur hentað þeim sem vilja bæta við sig fræðilegri og hagnýtri þekkingu í námi með starfi.
Námsleiðirnar sem eru í boði eru Tæknifræði (fullt BSc nám) og svo styttri diplómanám.
Tæknifræði (BSc, 210 ECTS einingar).
Valið er um tvö kjörsvið:
- Mekatróník hátæknifræði
- Efna og líftæknifræði
Diplómanám á grunnháskólastigi
-
Eftirfarandi kjörsvið í boði
-
Faggráða með áherslu á efnaiðnað
-
Faggráða með áherslu á forritun
-
Faggráða með áherslu á lífefnaiðnað
-
Faggráða með áherslu á rafeindatækni
-
Faggráða með áherslu á véltækni
-
Nánari upplýsingar veitir Karl Sölvi Guðmundsson, forstöðumaður Tæknifræðiseturs Háskóla Íslands.
Sjáðu um hvað námið snýst
Inntökuskilyrði
Íslenskt stúdentspróf eða sambærilegt próf.
Umsækjendur sem stundað hafa nám á framhaldsskólastigi geta öðlast rétt til undanþágu frá framangreindum skilyrðum með því að þreyta stöðumat. Við mat á undanþágu er jafnframt tekið mið af starfsreynslu úr atvinnulífinu.
Umsækjendur sem uppfylla skilyrði um undanþágu þurfa að:
- Sitja undirbúningsáfanga í stærðfræði á haustmisseri fyrsta árs.
- Ljúka undirbúningsáföngum til að öðlast rétt til áframhaldandi náms á vormisseri fyrsta árs.
Nánar um inntökuskilyrði deildar.
Athugið: Ef það á að sækja um í faggráðu en ekki BSc, þá er samt sótt um inngöngu í tæknifræði.
Skráningin í námið verður svo aðlöguð að þeirri faggráðu sem einstaklingurinn vill taka eftir að hann hefur komið í viðtal hjá forstöðumanni Tæknifræðisetursins.